Goitibera Jaitsiera baten antolatzailea bazara edota lehenengoz proba bat antolatu nahi baduzu, jakin Euskal Inertzia Koparako baliagarria izan daitekeela.
Hau horrela izan dadin, ezinbestekoa da edozein goitibera ekitaldi seguru antolatzeko hiru baldintza minimoak betetzea;
Horrez gain, parte-hartzaileen segurtasuna bermatzeko eta jaitsiera egoki aurrera eramateko, antolatzaileek ibilbidean babes neurriak zein komisarioak jarri beharko ditu. Erremonteak izatea ere ezinbestekoa da.
Baldintza hauek betetzen badituzu, zure jaitsiera kronometratua izan edo ez, Euskal Inertzia Kopa-ko egutegian Lasterketa Ofizial edo Jaitsiera Lagun bezala inskriba dezakezu. Horretaz gain, antolatzaileentzako eskaintzen ditugun zerbitzuak kontratatzeko aukera izango duzu ekitaldia errazago kudeatzeko .
Zure proba Euskal Inertzia Kopa egutegian sartzea nahi baduzu, urrats hauek jarraitu:
Eguna erreserbatu:
Urtarrilaren 31 baino lehen, zure proba ospatzeko data erreserbatu dezakezu [email protected] helbidera idatziz.
Lasterketa inskribatu:
Zure proba aurrera eramatea erabakitzen baduzu, egutegian ofizialki sar dezakezu otsailaren 1etik aurrera. Hilabete honetan, lehentasuna izango dute aurrez data erreserbatu duten probek.
Behean aurkituko duzun inprimakia bete, zure proba egutegian sartzeko eta gure webgunean bere atala sortzeko. Horrez gain, behar dituzun zerbitzuak eskatu ahal izango dituzu.
Lasterketa ofizialek, martxoak 31a baino lehen bete beharko dute azpiko formularioa.
Lasterketa-fitxa betetzea
Gure zerbitzuren bat kontratatzen baduzu, posta elektronikoz fitxa bat jasoko duzu, bete eta sinatu beharrekoa. Dokumentu hau beranduenez jaitsiera baino hilabete lehenago bidaltzea derrigorrezkoa da.
Araudia eta kartela bidali
Antolatzaileak proba bakoitzaren araudi zehatza osatu eta beranduenez jaitsiera baino hilabete lehenago bidali beharko du, probaren kartel ofizialarekin batera, [email protected] helbidera.
Dokumentuak errazago betetzeko txantiloi bat aurki dezakezu euskalkopa.com/documentos webgunean.
🚨 Garrantzitsua: Lasterketaren fitxa, kartela eta araudia jaso arte, izen-emateak ezin izango dira ireki.
Edozein zalantza izanez gero, jar zaitez gurekin harremanetan [email protected] helbidean, eta lagunduko dizugu!